推介度：

不知為什麼，看完這片後想到4個字「不可抗力」。
從前做翻譯的時候有不少合約條款中都會有「不可抗力」。
但凡事情觸碰到「不可抗力」的層面，一切合約的條款都可以被推翻。

我記得果陣我初次接觸呢個條款既時候講左一句：嘩~~~好屈機喎..... 
我師兄就立即講，超~~~有幾何會咁岩丫...........
當時我覺得，又係喎...... D 人咁寫都係想保障一下自己O者

不過我發現呢條「不可抗力」真係好唔簡單...........
而且日日都在我地既生活發生。 

一男一女相愛，又唔係親生兄妹，又咁有緣份，大家都睇好..........
千萬個利好因素......... 點不知佢唔係親生個阿媽同佢阿媽係佢個親生阿媽既殺母仇人
唔知我講乜? 乜野佢阿媽又你阿媽又佢阿媽........總之就係複雜啦.......
你咪理咁多！不可抗力呀！屈機呀..... 知唔知呀！

講左個細細地既大話，大佬~ 我冇心架喎.....你咁激動幾廿樓跳落去又冇事
仲要好返......想同你SAY 句SORRY 等自己有個交代了個心事........
SORRY 呀~~~ 我諗我要同返你SAY SORRY 呀~ 我已經失左憶啦
我死唔去同你講野但已經唔知你係乜水啦......SORRY.......

係呀..... SORRY 呀..... 又係不可抗力...........

好啦.....諗通左.....和平散去，做返好朋友，互相支持互相幫助咁去過日子
大團圓結局.........喂！睇燈過馬路丫大佬！失戀大晒呀....唔洗睇燈過馬路呀！
係架.....你唔係失憶呀..... 你要去死呀.......... 仲係不可抗力呀 !!!!

當女主角講：我最傷心既時候幫我既係佢唔係你呀！
男主角可以講乜：不....可.....抗......力......呀~~~~~~

就好似佢地咁講...... 毒癮唔係單單係意志就可以自救
即使你有幾大決心

呢D....... 都係不可抗力.........